Skandal me ndërtimet në Prishtinë: 690 objekte pa certifikatë përdorimi

690 objekte në kryeqytet nuk janë të pajisura me çertifikatë ndërtimi.
690 objekte vetëm në territorin e komunës së Prishtinës nuk janë të pajisura me certifikatë të përdorimit. Nga të dhënat e Komunës, ndonëse posedojnë leje ndërtimore, ato nuk e kanë edhe pranimin teknik, duke i përfshirë këtu edhe disa institucione shtetërore. Sipas njohësve të rrethanave, lëshimi për banim i këtyre objekte pa pasur pranim teknik është në kundërshtim me ligjin, shkruan Zeri.

Në një listë të publikuar nga Komuna e Prishtinës saktësisht 690 objekte figurojnë që posedojnë leje ndërtimore, por jo edhe certifikatë të përdorimit të tyre. Prishtina është një ndër qytetet që përballet me numrin e madh të ndërtimeve pa leje, si dhe një ndër qytetet më të mbipopulluara me ndërtime në Kosovë.

Ndonëse Komuna e Prishtinës në uebin e saj ka të publikuara lejet ndërtimore ndër vite, në to nuk ka qasje.

Qasje nuk ka as në dokumentet ku janë të paraqitura certifikatat e përdorimit të objekteve në kryeqytet përgjatë vitit 2014-2019, ndonëse Komuna e Prishtinës gazetën “Zëri” e ka drejtuar po te këto dokumente./

Lini një Përgjigje

Top